बैंकिङ प्रणालीमा अत्यधिक तरलता बढेपछि नेपाल राष्ट्र बैंकले आज ४० अर्ब रुपैयाँ उठाउने भएको छ। यसका लागि राष्ट्र बैंकले ३५ दिनका लागि बोलकबोल आह्वान गरेको छ, जसको समय आज दिउँसो ३ बजे निर्धारण गरिएको छ।

बोलकबोलमा सहभागी हुन क, ख र ग वर्गका बैंक तथा वित्तीय संस्थाहरू योग्य छन्।
न्यूनतम बोल रकम १० करोड रुपैयाँ तोकिएको छ, र अधिकतम रकम ५ करोडले भाग जाँदा निःशेष आउने गरी समायोजन हुनेछ।

सावाँ र ब्याजको भुक्तानी पुस १० गते तोकिएको छ। ब्याजदर पनि बोलकबोलको माध्यमबाट नै तय हुनेछ।
राष्ट्र बैंकका अनुसार निक्षेप संकलन बोलकबोल एकल वा बहु–ब्याजदर दुवै आधारमा गर्न सकिनेछ।