आईपीएल अक्सनका ६ सर्प्राइज (मुख्य समाचार)

हालै सम्पन्न आईपीएल २०२६ को मिनी अक्सन ले क्रिकेट प्रेमीलाई धेरै चकित बनाएको छ। अक्सनमा देखिएका केही अनपेक्षित घटनाहरू यस्ता छन्:

* क्यामरुन ग्रिन बने सबैभन्दा महँगो विदेशी खेलाडी

अष्ट्रेलियन अलराउन्डर क्यामरुन ग्रिन लाई कोलकाता नाइट राइडर्सले करिब २५ करोड रुपैयाँभन्दा बढीमा किनेको छ। यससँगै उनी आईपीएल इतिहासकै सबैभन्दा महँगो विदेशी खेलाडी बने।

* ठूला स्टार खेलाडी अनसोल्ड

विश्व क्रिकेटमा नाम चलेका केही चर्चित खेलाडीहरू अक्सनको पहिलो चरणमै अनसोल्ड हुनु सबैभन्दा ठूलो सर्प्राइज बन्यो।

* युवा अनक्याप्ड खेलाडीमा करोडौँको वर्षा

भारतका केही अनक्याप्ड (राष्ट्रिय टोली नखेलेका) युवा खेलाडीले अपेक्षाभन्दा धेरै मूल्य पाए। यसले भविष्यका स्टार खेलाडीको सम्भावना देखाएको छ।

* पृथ्वी शको नाटकीय पुनरागमन

पहिले अनसोल्ड भएका पृथ्वी श लाई पछि दिल्ली क्यापिटल्स ले अक्सनको अन्तिम चरणमा किन्यो। यसले सामाजिक सञ्जालमा ठूलो चर्चा पायो।

* सस्तो मूल्यमा ठूला नाम

अनुभवी ब्याट्सम्यान डेभिड मिलर जस्ता खेलाडी निकै कम मूल्यमा टिममा समावेश हुनु पनि अक्सनको ठूलो सर्प्राइज रह्यो।

 * साना राज्यबाट आएका खेलाडी चम्किए

जम्मु–कश्मीर जस्ता साना क्रिकेट क्षेत्रबाट आएका केही खेलाडीले करोडौँको बोली पाउँदै सबैलाई अचम्मित पारे।