काठमाडौँ। बलिउड अभिनेत्री जान्हवी कपुर यतिबेला क्रिकेटर बनेकी छिन्। उनले आफ्नो आउँदो चलचित्र ‘मिस्टर एण्ड मिसेस माही’का लागि क्रिकेटको प्रशिक्षण लिएकी हुन्। चलचित्रको घोषणा गत नोभेम्बरमा नै भएको थियो। 

निखिल मल्होत्रा ​​र शरण शर्माको लेखन रहेको चलचित्रमा शरण शर्माको निर्देशन रहनेछ। धर्मा प्रोडक्सनको ब्यानरमा निर्माण भइरहेको चलचित्रमा राजकुमार राव पनि मुख्य भूमिकामा रहेका छन्। चलचित्र ७ अक्टोबर २०२२ मा प्रदर्शनमा आउनेछ।

अभिनेत्रीले आफ्नो सामाजिक सञ्जालमा चलचित्रको  छायाङ्कन सेटबाट केहि तस्विर सार्वजनिक गरेकी छिन्। जसमा उनी क्रिकेटरको भूमिकामा देखिएकी छिन्।