काठमाडौँ - बुधबार बेलुका भएको खेलमा बैंग्लोरले लखनउलाई १४ रनले पराजित गरेको थियो। लखनऊ सुपर जायन्ट्सका कप्तान केएल राहुलले आईपीएल एलिमिनेटरमा रोयल च्यालेन्जर्स बैंग्लोरसँग आफ्नो टोलीको १४ रनको हारको पछि फिल्डिङलाई दोष दिएका हुन्।

“मलाई लाग्छ यो एकदम स्पष्ट छ-हामीले किन जित्न सकेनौं। हामीले आफैंलाई मैदानमा तल ल्यायौं। सजिलो क्याच छोड्दा कहिल्यै फाइदा हुँदैन। जब शीर्ष तीनमा कसैले सय स्कोर गर्दछ, प्राय त्यहि टोलीले जित्छ,” राहुलले खेल पछि भनेका थिए। 

“हामीले धेरै सकारात्मक कुराहरू सिकेकाछौँ। यो नयाँ फ्रेन्चाइजी हो। हामीले धेरै गल्तीहरू गरेका छौं। प्रयास गर्नुपर्छ र बलियो भएर फर्केर आउनु पर्छ। यो युवा टोली हो। उनीहरूले आफ्ना गल्तीहरूबाट धेरै कुरा सिक्नेछन्। घर फर्कनुहोस् र राम्रो खेलाडी बन्न प्रयास गर्नुहोस्।”

“बैंग्लोरले साँच्चै राम्रो फिल्डिङ गर्यो र हामी पछि पर्यौ,” उनले सारांशमा भने। नयाँ टिम भएर पनि आफ्नो पहिलो सत्रमा शीर्ष चारमा पर्न सफल भएकोमा राहुलले खुशी व्यक्त गरेका थिए।