काठमाडौँ - विद्यालयको लिफ्टमा फसेर भारतको मुम्बईमा एक शिक्षिकाको मृत्यु भएको छ। उत्तरी मुम्बइस्थित सेन्ट म्यारीज इंगलिस हाइ स्कुलक २६ वर्षीय शिक्षिकाको मृत्यु भएको हो। 

प्रहरीका अनुसार जेनेल फर्नान्डिस दिउँसो करिब १ बजे दोस्रो तलामा स्टाफ रुममा जान छैठौं तलामा पर्खिरहेका थिइन। लिफ्टमा छिर्नेबित्तिकै उनको ढोका बन्द भएको थियो। ‘उनी लिफ्टमा छिर्दा ढोका बन्द भयो र लिफ्ट चल्न थाल्यो, र उनी अड्किइन’,  प्रहरी उपआयुक्त विशाल ठाकुरले भने।

विद्यालयका कर्मचारीले उनलाई मद्दत गर्न पुगेका थिए। उनलाई गम्भीर अवस्थामा लिफ्टबाट बाहिर निकालिएको थियो। उनलाई अस्पताल पुर्‍याउने वित्तिकै चिकित्सकहरूले मृत घोषित गरेका थिए।