काठमाडौँ। लोकप्रिय गायिका आनीछोइङ डोल्मालाई कोरोना संक्रमण भएको छ। उनलाई कोरोनाको नयाँ भेरियन्ट ‘ओमिक्रोन’ भएको पुष्टि भएको छ। उनले सामाजिक संजालमार्फत आफु संक्रमित भएको जानकारी दिएकी हुन्।

सञ्जालमा उनले लेखकी छिन्, ‘कोरोना भाइरसको नयाँ भेरियन्ट ‘ओमिक्रोन’ पुष्टि भएसंगै म आइसोलेसनमा छु। यद्यपि अनुभवले जीवनलाई खतरामा पारेको छैन, अझै पनि यो राम्रो अनुभव होइन। समय र ऊर्जाको बर्बादीले तपाईंको वरपर धेरैलाई संक्रमित गर्ने सम्भावना छ। त्यसैले कृपया सावधानी अपनाउनुहोस्! मास्क लगाउनुहोस्, ह्यान्ड सेनिटाइजर बारम्बार प्रयोग गर्नुहोस् र आवश्यक नभए बाहिर ननिस्कनुहोस्। सबैको ख्याल राख्नु होला। धेरै धेरै माया।’