काठमाडौँ । शेरबहादुर खड्का स्मृति प्रतिष्ठानको आयोजनामा नवौँ संस्करणको राष्ट्रिय महिला भलिबल प्रतियोगिता आयोजना हुने भएको छ। प्रतियोगिता आगामी दिनमा काठमाडौँमा सञ्चालन हुने आयोजकले जनाएको छ।

प्रतिष्ठानका अनुसार प्रतियोगितामा देशभरका विभिन्न जिल्लाबाट उत्कृष्ट महिला भलिबल टिमहरूको सहभागिता रहनेछ। प्रतियोगिताको उद्देश्य महिला खेलाडीको प्रतिभा उजागर गर्नुका साथै राष्ट्रियस्तरमा महिला भलिबलको विकास र प्रवर्द्धन गर्नु रहेको आयोजकले बताएका छन्।

प्रतियोगितामा विजेता र उपविजेता टिमलाई नगद पुरस्कारसहित ट्रफी, मेडल तथा प्रमाणपत्र प्रदान गरिनेछ। साथै उत्कृष्ट खेलाडी, उत्कृष्ट स्पाइकर, सेटर र लिब्रोलाई पनि विशेष पुरस्कार प्रदान गरिने आयोजकको भनाइ छ।

शेरबहादुर खड्काको स्मृतिमा प्रत्येक वर्ष आयोजना हुँदै आएको यस प्रतियोगिताले पछिल्लो समय महिला भलिबल क्षेत्रमा महत्वपूर्ण योगदान पुर्‍याउँदै आएको आयोजकले दाबी गरेको छ। प्रतियोगिताको विस्तृत तालिका र सहभागी टिमको विवरण छिट्टै सार्वजनिक गरिने जनाइएको छ।