काठमाडौँमा भएको जेनजी आन्दोलनका क्रममा गम्भीर घाइते भएका दुई जनाको वीर अस्पतालमा उपचारको क्रममा मृत्यु भएको छ। चिकित्सक डा. राजीव झाले बताए अनुसार दुवैको टाउकोमा गोली लागेको थियो र भेन्टिलेटरमा राखेर उपचार गरिए पनि बचाउन सकिएको थिएन।

गत सोमबार र मंगलबारको आन्दोलनमा ५१ जनाको मृत्यु भएको थियो। आगलागी र झडपका कारण थप शव फेला परिरहेका छन्। आज बिहान चाबहिल चुच्चेपाटीमा रहेको भाटभटेनीमा ६ शव फेला परेको थियो, तर पूरै डढेकाले उनीहरूको सनाखत सम्भव भएको छैन। यससँगै मृतकको संख्या ५० भन्दा बढी पुगेको छ र अझै बढ्न सक्ने अनुमान गरिएको छ।