काठमाडौँ - न्यूजिल्यान्डले २०२२-२३ को क्यालेन्डर सार्वजनिक गरेको छ। टी-२० विश्वकपपछि भारतीय टोली सीमित ओभरको क्रिकेट सिरिज खेल्न न्यूजिल्यान्ड जानेछ। यसबाहेक न्यूजिल्यान्डको टोलीले माउन्ट मोन्गानुईमा इंग्ल्यान्डसँग डे-नाइट टेस्ट खेल्नेछ।

श्रीलंका पनि न्यूजिल्यान्डमा २ टेस्ट, ३ एकदिवसीय र ३ टी-२० खेल्न न्यूजिल्यान्ड पुग्नेछ। यसबाहेक न्यूजिल्यान्ड महिला टोलीले टी-२० विश्वकप अघि डिसेम्बरमा एकदिवसीय र टी-२० सिरिजका लागि बंगलादेश भ्रमण गर्नेछ।

अस्ट्रेलियामा हुने टी-२० विश्वकपको तयारीमा न्यूजिल्यान्डले बंगलादेश र पाकिस्तानसँग त्रिकोणात्मक सिरिज खेल्दैछ। प्रतियोगिता अक्टोबर ७ देखि १४ सम्म क्राइस्टचर्चमा हुनेछ। विश्वकपपछि भारतले नोभेम्बर १८-३० सम्म ३ टी-२० आई र ३ एकदिवसीय खेलको लागि न्यूजील्यान्ड भ्रमण गर्नेछ।

त्यसपछि न्युजिल्यान्डको पुरुष टोलीले डिसेम्बर र जनवरीमा पाकिस्तान तथा भारतको भ्रमण गर्नेछ। त्यहाँबाट फर्किएपछि न्यूजिल्यान्डले श्रीलंकासँग टी-२० सिरिज खेल्नेछ। टी-२० आई र एकदिवसीय सिरिज अप्रिलपछि खेलिनेछन्। यो इन्डियन प्रिमियर लिग (आईपीएल)को समयमा हुन पनि सक्छ।

महिला टोलीले डिसेम्बरमा बंगलादेशसँग ३ टी-२० र तीन एकदिवसीय खेल खेल्नेछ। त्यसपछि फेब्रुअरीमा टी-२० विश्वकपका लागि दक्षिण अफ्रिका जानेछ।

इंग्ल्यान्डविरुद्ध न्यूजिल्यान्डको टेस्ट सिरिज १६ फेब्रुअरी २०२३ देखि बे ओभलमा हुनेछ। यो खेल डेनाइट हुनेछ। यस अवधिमा कुल ४ टेस्ट खेल हुनेछन्। इंग्ल्यान्डसँग २ र श्रीलंकासँग २ टेस्ट खेल्नेछ। श्रीलंकाविरुद्धको टेस्ट सिरिज मार्च ९ बाट हुनेछ।