काठमाडौँ- सलमान खानको रियालिटी शो ‘बिग बोस १३’ पछि लोकप्रिय भएकी शहनाज गिलको सामाजिक सञ्जालमा फ्यान फलोइङ निकै ठूलो छ। उनका विशेष साथी र बिग बोसका विजेता सिद्धार्थ शुक्लाको मृत्यु भएदेखि नै फ्यानहरु शहनाजको चिन्तामा छन्। तर अहिले उनको फ्यानका लागि एउटा खबर आएको छ। अर्थात् शहनाज छिट्टै बलिउडमा डेब्यु गर्दैछिन्, त्यो पनि सलमान खानको फिल्मबाट।

मिडिया रिपोर्टका अनुसार शहनाज गिल चाँडै सलमान खानको फिल्म ‘कभी ईद कभी दिवाली’ बाट बलिउडमा डेब्यु गर्न लागेकी छिन्। फिल्ममा सलमान र पूजा हेगडे मुख्य भूमिकामा रहेका छन्। रिपोर्टका अनुसार फिल्ममा आयुष शर्मा पनि छन्। जसले भर्खरै ‘एन्टिम: द फाइनल ट्रुथ’ मा आफ्नो अभिनयको साथ हेडलाइन बनेका थिए।

पछिल्लो समाचार अनुसार शहनाज ‘कभी ईद कभी दिवाली’ को कास्टमा सामेल भएकी छिन् र फिल्ममा आयुष शर्माको अपोजिटमा देखिने छिन्।