एसईई अपडेट : निर्वाचनलाई ध्यानमा राख्दै परीक्षा तालिका तयारीमा, माघको पहिलो साता सार्वजनिक हुने

काठमाडौँ । राष्ट्रिय परीक्षा बोर्ड (NEB) ले आगामी माध्यमिक शिक्षा परीक्षा (SEE) को परीक्षा तालिका निर्वाचनलाई ध्यानमा राख्दै तयारी गरिरहेको जनाएको छ। बोर्डका अनुसार परीक्षा सञ्चालनमा कुनै अवरोध नआओस् भन्ने उद्देश्यले निर्वाचनको मिति र व्यवस्थापन पक्षलाई समन्वय गरी तालिका तय गर्न लागिएको हो।

NEB ले सबै पक्षसँग आवश्यक छलफलपछि SEE परीक्षा तालिका माघ महिनाको पहिलो साता सार्वजनिक गर्ने तयारी गरेको छ। परीक्षा तालिका सार्वजनिक भएपछि विद्यालय, विद्यार्थी तथा अभिभावकलाई तयारी गर्न सहज हुने बोर्डको विश्वास छ।

बोर्डले विद्यार्थीहरूलाई औपचारिक सूचना नआउँदासम्म अफवाहमा नपरी नियमित अध्ययनमा ध्यान दिन पनि आग्रह गरेको छ।