काठमाडौँ । सुनचाँदी बजारमा आज छापावाल सुनको मूल्य थोरै ओरालो लागेको छ।

नेपाल सुनचाँदी व्यवसायी महासङ्घका अनुसार सुनको मूल्य हिजो सोमबारको तुलनामा प्रतितोला रु. २०० ले घटेर रु ९३ हजार तोकिएको छ। अघिल्लो दिन प्रतितोला रु. ९३ हजार २०० मा कारोबार भएको सुनको मूल्य आज घटेको हो। महासंघले सार्वजनिक गरेको विवरणानुसार तेजाबी सुनको आजको मूल्य प्रतितोला रु. ९२ हजार ५०० कायम भएको छ जसको मूल्य सोमबार प्रतितोला रु. ९२ हजार ७०० तोकिएको थियो। 

त्यस्तै, आज चाँदीको मूल्य अघिल्लो कारोबार मूल्यका तुलनामा प्रतितोला रु. १० ले बढेर रु. एक हजार २६० पुगेको महासङ्घले जनाएको छ। अन्तर्राष्ट्रिय बजारमा आज सुन प्रतिऔँस एक हजार ८१२ डलर आसपास कारोबार भइरहेको छ।