काठमाडौं । नेपाली कांग्रेस संस्थापन इतरबाट सभापतिका आकांक्षी प्रकाशमान सिंहले आफू पछि नहट्ने बताएका छन् ।
चाक्सीबारीस्थित आफ्नो निवासमा सञ्चारकर्मीहरुसँग बिहीबार कुरा गर्दैं नेता सिंहले फिर्ता हुनका लागि आफूले उम्मेदवारी घोषणा नगरेको बताएका हुन् ।
महाधिवेशन कार्यतालिका अनुसार आफूले उम्मेदवारी दर्ता गर्ने बताउँदै नेता सिंहले महाधिवेशनका प्रतिनिधिले बाँकी कुरा तय गर्ने बताए।
उहाँले आफू ब्याक हुनुपर्ने कुनै कारण नभएको जिकिर गरे । यसअघिको महाधिवेशनमा आफू ब्याक भएको उनको भनाइ थियो। संस्थापन इत्तरबाटै सभापतिका आकांक्षी शेखर कोइरालाले एकपक्षीय रुपमा प्रचार अभियान समेत शुरु गरिसकेका छन् ।