जापान - भूकम्प र सुनामीका कारण १८ हजार ५०० मानिसको मृत्यु र  बेपत्ता भएको  ११ वर्ष पुगेको छ।  फुकुशिमामा विनाशकारी आणविक पग्लिएको ११ वर्षपछि जापानको उत्तरपूर्वमा मानिसहरूले शुक्रबार प्रार्थना गरेका छन्।  

उत्तरपूर्वी जापानमा मार्च ११ ,२०११ मा गएको ९.० म्याग्निच्युडको भूकम्प अहिलेसम्म रेकर्ड गरिएका सबैभन्दा शक्तिशाली मध्ये एक थियो। स्थानीय समयानुसार शुक्रबार २:४६ अपराह्नमा सो विनासकारी भूकम्प र सुनामीमा ज्यान गुमाए व्यक्तिहरुप्रति सम्झना स्वरुपमा एक मिनेटको मौन धारण गरिएको थियो।  

जापानी टेलिभिजनले ठूला छालहरूबाट जोगाउनको लागि बनाइएको विशाल समुद्री पर्खालहरूमा उभिएका विद्यार्थीहरूले आशाको सन्देशसहित चित्रित चङ्गा उडाउँदा मानिसहरूले समुद्रतिर प्रार्थना गरिरहेको प्रत्यक्ष फुटेज देखाएका थिए। 

समुद्रमुनि भूकम्पले एक घातक सुनामी ल्यायो जसले सम्पूर्ण तटीय समुदायलाई तहसनहस बनाएको थियो।  विपद्को एक दशकभन्दा बढी समय बितिसकेपछि सरकारले वार्षिक अनुष्ठानलाई समापन गरेको थियो। यसवर्ष  ज्यान गुमाएकाहरूको सम्झनामा राज्यको अनुदानमा कुनै पनि राष्ट्रिय समारोह भएन।

सुनामीले ध्वस्त पारेको तोहोकु क्षेत्रमा, व्यक्तिहरु बिहानै तटमा प्रार्थना गर्न भेला भएका थिए। स्थानीय टिभीले फुकुशिमाको नामी क्षेत्रमा अझै हराइरहेका मानिसहरूको वार्षिक खोजी गरिरहेको देखाएको छ। सुनामीमा आफ्नी बहिनी, ज्वाई र भतिजा गुमाएका माछा मार्ने सदाओ कोनले यो दिन मनाउनबाट बच्न प्रयास गरेको बताए। ‘मेरो आफन्त मात्र मारिएनन्, मैले फायर ब्रिगेड नेताको रूपमा आफ्नो कर्तव्यको क्रममा धेरै पीडितहरू पनि देखें,“ उनले भने। 

‘म जानाजानी त्यो दिनको बारेमा विशेष तरिकामा नसोच्ने प्रयास गर्छु। यो एक पीडादायी सम्झना हो जुन मैले सकेमा बिर्सनेछु,“ ६८ वर्षीयाले एक बृद्धले बताएकी छिन्।