काठमाडौँ - आजबाट फेसबुकले आफ्नो प्लेटफर्मबाट 'जब्स' फिचर हटाएको छ। 

कम्पनीले आज (फेब्रुअरी २२) देखि यो फिचर हटाएको हो। उक्त फिचरको मद्दतमा प्रयोगकर्ताहरूले आफ्नो अकाउन्टबाटै जागिर खोज्ने, पाउने, जागिरको लागि आह्वान गर्न सक्थे। यसो हुँदा कर्मचारी खोज्ने कम्पनीहरू र जागिर खोज्ने व्यक्तिहरूको लागि सहज हुन्थ्यो। तर, आज मंगलबादेखि यो फिचर उपलब्‍ध नरहने भएको हो।

रिपोर्टअनुसार कतिपय फेसबुक प्रयोगकर्ताको फेसबुक अकाउन्टबाट यो फिचर केही समय अघि नै हटिसकेको थियो। कम्पनीले सन् २०२१ को अन्त्यतिरै जब्स फिचर हटाउनेबारे घोषणा गरेको थियो। फेसबुकमा अनुसार अहिले जब्स भएको ठाउँमा प्रयोगकर्ताले 'जेनेरल' भन्ने विकल्प पाउनेछन्।

सो फिचर सबै देशमा हट्ने भएपनि अमेरिका र क्यानेडामा उक्त फिचर यथावत हुने बताइएको छ।