काठमाडौं - पाँच पटककी ग्रामी अवार्ड विजेता अमेरिकी गायिका नाओमी जुडको शनिबार ७६ वर्षको उमेरमा निधन भएको छ। जुड्स जोडीकारुपमा आइतबार आफ्नी छोरी एश्ले जुडसँग कन्ट्री म्युजिक हल अफ फेममा प्रवेश गर्नु अघि उनको निधन भएको हो।

'आज हामी दिदीबहिनीहरूले ठूलो दुःखद अनुभव गरेका छौ। हामीले मानसिक रोगबाट व्याप्त हाम्री आमा गुमायौं। हामी चकनाचूर भएका छौं,' एश्ले जुडले ट्विटरमा एक विज्ञप्ति जारी गर्दै भनेकी छन्।'हामी गहिरो शोकमा छौं र हामी उहाँलाई उत्तिकै माया गर्छाैं, जति अरु जनताले गर्छन्,' विज्ञप्तिमा भनिएको छ।

नाओमी र उनकी छोरी विनोन्नाले सन् १९८० को प्रारम्भमा औपचारिकरुपमा सँगै गायन सुरु गरेका थिए। 'मामा हि इज क्रेजी' र 'लभ क्यान बिल्ड अ ब्रिज' जस्ता हिट गीत गाउँदै दुवैले लोकप्रियता कमाएका थिए।

तिनीहरूको पहिलो एकल, 'ह्याड ए ड्रीम (फर द हार्ट),' गती १९८३ मा रिलीज भएको थियो। जुन बिलबोर्ड देश चार्टमा १७ नम्बरमा पुगेको थियो। नाओमीका एश्ले र विनोन्ना दुई छाेरी छन्।